In die lig van die erns van die hoogs aansteeklikheid van die Koronavirus, en in 'n poging om gehoor te gee aan die regering (vgl. Rom. 13:1) se eis om alle samekomste van meer as 50 mense te kanseleer, is ons verplig om ernstig te besin oor die veiligheid van ons ouer lidmate en jong kinders.

Daarom gee ons graag die volgende reëlings deur:

Die voorsorgmaatreëls wat die regering (17 Maart) ingestel het, dwing ons om anders te dink en te beplan rondom ons eredienste.
Daarom staak alle eredienste in die kerk voorlopig en ons vertrou en bid dat dit sal hervat op - 19 April 2020.
Ons stel wel voor dat lidmate steeds in hul Omgeegroepe bymekaarkom vir Bybelstudie en aanbidding.

Kommunikasie is belangrik en ons wil graag op hoogte bly van mekaar se lief en leed. Gee dit asb. op die volgende maniere aan ons deur:
Aan ds. Paul persoonlik, jou ouderling of die kerkkantoor.
Groete namens die Kerkraad van die Gereformeerde Kerk Windhoek-Suid.